2025-жылы Россия боюнча квалификациялуу чет элдик жумушчуларды тартуу квотасы 235 миңге жакын иштөөгө уруксат документтерин түзөт. Бул тууралуу РБК РФ Эмгек министрлигинин 9-декабрдагы буйругуна таянып маалымдады. Аймактардан түшкөн өтүнмөлөргө ылайык, чет элдиктер үчүн эң жогорку айлык акы айына 380 миң рубль болот.
Эң көп квота Амур облусуна (27,1 миң), Москва облусуна (23 миң), Ленинград облусуна (22,3 миңге жакын) жана Татарстанга (9,3 миң) берилди. Чет элдиктер үчүн орундардын жарымы айына 60 миң рублдан төмөн айлык акыны камтыйт. 20–25 миң рубль эмгек акыларды сунуштаган ондогон кызмат орундар бар.
2025-жылга карата эң жогорку эмгек акы төлөнүүчү кызматтар:
Россия-Германия тышкы соода палатасынын башкармалыгынын төрагасы – айына 380 миң рубль;
«Удмуртнефть» компаниясында үч менеджер – айына 275 миң рубль;
«Барнаул» баскетбол клубунун спортсмен-инструктору (эки киши талап кылынат) – айына 250 миң рубль;
«Яхонты» мейманканалар тармагындагы сыр жасоочулар – ар биринин айлык акысы 230 миң рубль.
Чет элдик жумушчуларды Россияда ишке тартууга аймактарда кадрлардын жетишсиздиги жана импорттолгон жабдууларды тейлөө жана жөнгө салуу зарылдыгынан улам келип чыкты.
Кырсыкка учураган танкердин экипажы куткарылды
Куткаруучулар Тамань аймагынын жээгинде бара жатып, тайыз жерге туруп калган “Волгонефть 239” танкеринин экипажын эвакуациялоону аякташты. Бардык 14 экипаж мүчөсү жээкке чыгарылды. Бул тууралуу Россиянын Өзгөчө кырдаалдар министрлиги билдирди. 15-декабрда катуу шамалдан улам “Волгонефть-212” танкери 13 экипаж мүчөсү менен жана “Волгонефть-239” танкери 14 экипаж мүчөсү менен кырсыкка учураган. Алар мунай […]
