Украина АКШдан 20 миллиард долларлык насыянын алкагында биринчи траншты алды. Анын суммасы бир миллиард долларды түздү. Бул каражат Россиянын тоңдурулган активдеринин кирешелери менен камсыздалат. Бул тууралуу Украинанын премьер-министри Денис Шмыгаль билдирди.
«Биз бардык активдер Украинаны калыбына келтирүүгө жумшалат деп үмүттөнөбүз»,-деди украин премьер-министри.
G7 өлкөлөрү июнь айында Украинага Россиянын тоңдурулган активдеринен түшкөн кирешелердин эсебинен 50 миллиард доллар бөлүүнү чечкен.
Украинадагы согуштук аракеттер башталгандан кийин Евробиримдик, Канада, АКШ жана Япония Россиянын 300 миллиард долларга жакын активдерин тоңдурушкан.
Бүгүн Бишкекте жаңы жылдык азык-түлүк жарманкеси башталат
Бүгүн, 25-декабрда жаңы жылдык азык-түлүк продукцияларынын жарманкеси өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. Маалыматка ылайык, жарманке 31-декабрга чейин уланат. Жарманкенин максаты ата мекендик өндүрүшчүлөрдү, агроөнөр жай ишканаларын жана жеке ишкерлерди колдоо менен бирге айыл чарба продукцияларын шаар тургундарына дүң баада сатуу болуп […]
