Кубанын жээктерине келген россиялык согуштук кемелердин арасында суу астында жүрүүчү атомдук кайык жана фрегат бар. Алар 17-июнга чейин болору күтүлүүдө. Россиянын Коргоо министрлиги «Адмирал Горшков» фрегаты жана «Казань» суу астындагы кайыгы заманбап курал-жарактарды, анын ичинде «Циркон» гиперүндүү ракеталарын алып жүрүүчүлөр экенин билдирди.
Америкалык расмий өкүлдөр жээктерге кемелердин келиши Украинадагы согуштун фонунда күч көрсөтүү болуп саналат деп ырастап, байкоо салып турганын билдирди. Аскер-деңиз флоту байкоо жүргүзүү үчүн деңиз учкучсуз учактарын колдонду. Гавана АКШнын Флорида штатынан 145 чакырым алыстыкта жайгашкан.
“Кытай – Кыргызстан – Өзбекстан” темир жол курулушу августта башталат
“Кытай – Кыргызстан – Өзбекстан” темир жолунун курулушу үстүбүздөгү жылдын август айында башталат. Мындай маалыматты министрлер кабинетинин төрагасы Акылбек Жапаров бүгүн, 13-июнда Жогорку Кеңештин жалпы жыйынында сөз сүйлөп жатып билдирди. Жапаров “6-июнда Бээжин шаарында “Кытай – Кыргызстан – Өзбекстан” темир жол долбоорун ишке ашырууну биргелешип, куруу үчүн үч өлкө макулдашууга […]
