Россиянын премьер-министри Михаил Мишустин 1-октябрда иш сапары менен Арменияга барат. Ереванда ал Евразиялык өкмөттөр аралык кеңештин жыйынына жана Евразиялык экономикалык форумдун (ЕЭФ) пленардык сессиясына катышат. 30-сентябрда премьер-министр Иранга барышы күтүлүүдө. Ал жерде президент Масуд Пезешкиан жана биринчи вице-президент Мохаммад Реза Ареф менен сүйлөшүүлөрдү өткөрөт.
Евразиялык өкмөттөр аралык кеңештин алкагында Россия, Армения, Беларусь, Казакстан жана Кыргызстан өлкөлөрүнүн өкмөт башчылары ЕАЭБдин алкагындагы интеграция маселелерин талкуулашат. Ички рыноктордун иштөөсү жана өлкөлөрдүн өнөр жай, транспорт жана энергетика тармактарында өз ара аракеттенүү маселелери каралат. Жолугушууга катышуучулар ЕАЭБдин өнөр жай боюнча кызматташуу багыттарын 2030-жылга чейин карап чыгышат.
Иранда Михаил Мишустин Масуд Пезешкиан жана Мохаммад Реза Ареф менен жолугушат. Россиялык премьер-министрдин 30-сентябрдагы Тегерандагы сүйлөшүүлөрү Масуд Пезешкиан июль 2024-жылы кызматка киришкенден бери Россия менен Ирандын жогорку деңгээлдеги алгачкы жолугушуусу болуп калат.
Үлкөн мейманкана салынат
Тамчыга 5 жылдыздуу Хан Теңири мейманканасына мезгил кутучасын УКМК төрагасы Камчыбек Ташиев салды. Ал бул курулушка инвестор 160 млн доллар жумшайт деп билдирген. Бирок, инвестордун аты аталган эмес. Ал өлкөдөгү уурулук токтоп, инвесторлор келе баштаганын айтты. Бизге маалымдашкандай, Хан-Теңири үлкөн мейманканасын “Иншаат -Строй Билдинг” компаниясы курушу мүмкүн. Анын жетекчиси Акбарали […]
