Эки айда 30 пайыздан ашык көтөрүлгөн тоок жумурткасынын бир топ кымбатташы орус бийлигин тынчсыздандырууда. Өкмөт жумуртканы салыксыз ташып келүүгө уруксат берип, Башкы прокуратура өндүрүүчүлөрдү текшере баштады. Эксперттердин пикири боюнча, бул чаралар өзгөчө кырдаал катары гана каралышы мүмкүн. Жумурткага болгон баанын өсүшү бир катар себептерден улам келип чыгууда. Мобилизация жана элдин сыртка агылышынан улам жумушчу күчүнүн жетишсиздиги, ошондой эле өндүрүштүн наркынын өсүшү.
Акыркы бир нече айдын ичинде тооктун жумурткасы Россияда негизги азык-түлүк товарларынын арасында баалардын өсүшү боюнча лидерлердин катарында. Росстаттын маалыматы боюнча, эки эле айдын ичинде, октябрдын башынан декабрдын башына чейин – өлкөдө орточо эсеп менен 34 пайызга, 87ден 116,5 рублга чейин өскөн. Жыл башынан бери тооктун жумурткасынын орточо чекене баасы 36,5 пайызга, ал эми 2022-жылдын декабрынан бери 42 пайызга кымбаттады.
Тооктун жумурткалары эми Түркиядан жана Азербайжандан алынат. Россельхознадзор 8-декабрдан бери Түркиянын 17 канаттуулар фабрикасынан тоок жумурткасын алып кирүүгө уруксат берди.
