Россия парламентинин жогорку палатасы (Федерация Кеңеши) президенттик шайлоону 2024-жылдын 17-мартына дайындоо боюнча токтомдун долбоорун карайт.
Сенатор Андрей Клишас өзүнүн Telegram каналында Россияда боло турган президенттик шайлоонун алдын ала датасын жарыялады. «Федерация Кеңешинин Конституциялык мыйзамдар боюнча комитети 6-декабрдагы жыйынында Россия Федерациясынын президентин шайлоону 2024-жылдын 17-мартына дайындоо жөнүндө Федерация Кеңешинин токтомунун долбоорун карайт. Маселе Жогорку Кеңештин кароосуна киргизилет. Федерация Кеңешинин кезектеги пленардык жыйыны 2023-жылдын 7-декабрында болот»,-деп жазган. Ал кийинки билдирүүсүндө 7-декабрда боло турган Федерация кеңешинин пленардык жыйынына Борбордук шайлоо комиссиясынын төрайымы Элла Памфилова да чакырыла турганын билдирди.
Өлкөнүн азыркы президенти Владимир Путиндин 2024-жылдагы шайлоого катышуусу тууралуу расмий билдирүүлөр жок.
