Росавиациянын башчысы Дмитрий Ядров билдиргендей, Azerbaijan Airlines авиакомпаниясынын учагы Грозный аэропортуна конууга аракет кылып жаткан учурда шаарга дрондор чабуул жасаган.
Анын айтымында, ошол күнү жана ошол сааттарда Грозный аэропорту аймагындагы абал «татаал» болгон.
«Украиналык аскердик дрондор ошол учурда Грозный жана Владикавказ шаарларындагы жарандык инфраструктурага террордук чабуулдарды жасаган. Ушуга байланыштуу Грозный аэропорту аймагында бардык учактарды дароо чыгарууну караган “Ковер” режими киргизилген»,-деди Росавиациянын башчысы.
Ядровдун айтымында, учактын командирине Россиянын башка аэропортторуна конуу сунушталган, бирок ал Актау аэропортуна баруу чечимин кабыл алган.
Ядров баса белгилегендей, Россия Казакстан менен Азербайжанга AZAL учагынын кырсыгын иликтөөдө ар тараптуу жардам көрсөтөт. «Бул кырсык боюнча биргелешип иликтөөнү талап кылган ар кандай жагдайлар бар»,-деди ал.
Бишкекте балдар үчүн президенттик балаты болуп өттү
Бүгүн, 28-декабрда Бишкектеги Токтогул Сатылганов атындагы Кыргыз улуттук филармонияда салтка айланган балдар үчүн президенттик балаты болуп өттү. Иш-чарага президент Садыр Жапаров, биринчи айым Айгүл Жапарова, маданият, маалымат, спорт жана жаштар саясаты министри Алтынбек Максүтов, билим берүү жана илим министри Догдуркүл Кендирбаева жана башка бир катар маданият ишмерлери катышты. Саамалыкка өлкөнүн […]
