Саудиялык «Аль-Наср» клубунда ойногон португалиялык чабуулчу Криштиану Роналду аргентиналык атактуу футболчу Лионель Мессини мындан ары атаандаш катары эсептебей турганын айтты. Футболчунун айтымында, учурда алардын ортосунда сый-урмат өкүм сүрүүдө.
“Мессини ким сүйсө, Роналдуну жек көрөт, ал эми Роналдуну сүйсө Мессини жек көрөт? Мен мындайды көргөн жокмун, атаандаштык аяктады. Бул сонун болду, күйөрмандарга жакты. Экөөбүз тең мыктыбыз жана футболдун тарыхын өзгөрттүк. Бизди дүйнө жүзү боюнча сыйлашат, бул эң негизгиси. Ал өз жолу менен барат, мен өз жолум менен кетем.
Биз футбол талаасында 15 жыл бөлүштүк жана акыры дос болбосок да кесиптеш бойдон калдык жана бири-бирибизди сыйлайбыз», – деди Роналду
