Хорватиянын Загреб шаарында өтүп жаткан “Zagreb Open” биринчи рейтингдик мелдешинде Айсулуу Тыныбекова жана Айпери Медет кызынын биринчи атаандаштары белгилүү болду. Бул тууралуу Бүткүл дүйнөлүк күрөш уюмунун социалдык тармактагы расмий баракчасында жарыяланды.
Маалыматка ылайык, аталган мелдеште 62 кг салмакта Айсулуу Тыныбекова япониялык балбан Сакура Мотоки менен кез келет.
Ал эми 76 кг салмакта Айпери Медет кызынын биринчи атаандашы америкалык балбан Аделина Грей болмокчу.
Эскерте кетсек, Кыргызстандын кыз-келиндер күрөшү боюнча улуттук курама командасынын мүчөлөрү 10-14-январь күндөрү Хорватияда өтүп жаткан рейтингдик мелдешке катышууда. Курама команданын башкы машыктыруучу Нурбек Изабеков.
Курама команданын тизмеси:
– 62 кг Айсулуу Тыныбекова;
– 68 кг Нурзат Нуртаева;
– 76 кг Айпери Медет кызы.