Мадриддик “Реал ” клубу хорватиялык жарым коргоочу Лука Модрич менен келишимди узартты. Бул тууралуу мадриддик клубдун басма сөз кызматы билдирди.
Булактын айтымында, жаңы келишим 2024-жылдын июнь айынын аягына чейин эсептелинет.
Модрич “Реалдын” курамында 11 жылдан бери ойноп келет. 2022/2023 сезонунда хорватиялык жарым коргоочу “Реалдын” курамында бардык мелдештерде 52 матчка чыгып, алты гол жана 6 пас киргизген. Футболчунун мадриддик клуб менен мурунку келишими ушул жылдын июнь айынын аягына чейин күчүндө болчу. Transfermarkt интернет-порталынын маалыматы боюнча футболчунун болжолдуу баасы 10 миллион еврону түзөт.
Белгилей кетсек, Реал Мадриддин формасын кийген хорватиялык футболчу 23 кубок утуп алган. Модрич 2018-жылы ФИФА боюнча дүйнөнүн мыкты оюнчусу деп табылган.
