Планетанын эң титулдуу футбол клубу “Реал Мадрид” Испания Суперкубогунун жарым финалында жеңишке жетти. Ал эми үчүнчү жолу катары менен бул турнирдин чечүүчү беттешинде ойноо укугун алды.
Суперкубоктун финалына чыгуу үчүн Карло Анчелоттинин командасы Атлетико Мадриддеги мекендештерин 5:3 эсебинде утуп алды. Оюндун негизги убактысы 3:3 эсебинде тең чыгуу менен аяктагандыктан, беттештин тагдыры кошумча убакытта чечилди. Лос-Бланкостун голдорун Рудигер, Менди, Карвахаль, Хоселу жана Брахим киргизген.
Бул ийгилик падышалык командага үчүнчү жолу катары менен Испаниянын абройлуу турниринин финалына чыгууга мүмкүндүк берди. Бир жыл мурун Лос-Бланкос чечүүчү беттеште “Барселонага” жеңилип калган – 1:3, ага чейин Бильбаонун “Атлетикинен” 2:0 эсебинде күчтүү болгон.
“Реал Мадрид” эми финалда болочок атаандаштарын күтөт, ал “Барселона” менен “Осасуна” беттеши аяктагандан кийин белгилүү болот. Бул тирешүү 12-январга караган түнү, Бишкек убактысы боюнча саат 01:00дө башталат.
Испания Суперкубогунун финалы 14-январга белгиленген. Чечүүчү беттеш, ошондой эле бул турнирдин жарым финалы Сауд Арабияда өтөт.
