Равшан Жээнбековдун жер тилкеси мамлекеттин пайдасына кайтарылды. Бул тууралуу Улуттук коопсуздук боюнча мамлекеттик комитетинин (УКМК) басма сөз кызматы маалымдады.
Маалыматка ылайык, УКМК тарабынан тергөөгө чейинки текшерүүнүн алкагында тергөө-ыкчам иш-чаралары жүргүзүлүп, жыйынтыгында Талас облусунун Киров суу сактагычынын жээгинде жайгашкан жалпы аянты 4 гектар болгон «Эдельвейс-Тур» эс алуу зонасы мамлекетке ыктыярдуу түрдө кайтарылды.
Баалоо экспертизасынын корутундусуна ылайык, жеңил конструкциядагы административдик имараттары бар жер тилкесинин баасы 16 млн 871 миң сомду түзөт.
«Аталган жер тилкеси 2000-жылдардын аралыгында КР Мамлекеттик мүлктү башкаруу боюнча фондунун жетекчиси болуп турган Равшан Жээнбеков менен аффилирленген жактарга мыйзамсыз берилгени аныкталган», — деп айтылат маалыматта.
Столтенберг Украинаны көбүрөөк ок-дары менен камсыздоого чакырды
НАТОнун баш катчысынын айтымында, ар кандай кечигүү согуштук аракеттердин жүрүшүнө терс таасирин тийгизиши мүмкүн. НАТОнун баш катчысы Йенс Столтенберг шериктештер Украинага курал-жарактын көлөмүн көбөйтүүгө милдеттүү экенин айтты. Бул тууралуу аскердик-саясий альянстын башчысы жылдык отчетунда билдирди. НАТОнун башчысынын айтымында, Киев көбүрөөк колдоого муктаж. Анткени азыр Украинанын Куралдуу күчтөрүнүн ок-дарылары жетишсиз. Ошол […]
