2024-жылдын 21-ноябрында Россия Федерациясынын Президенти Владимир Путин билдирүү жасады. Кремлдин басма сөз кызматы анын билдирүүсүнүн текстин таратты.
«Россия Федерациясынын Куралдуу Күчтөрүнүн жеке курамын, өлкөбүздүн жарандарын, дүйнөдөгү досторубузду, ошондой эле Россияга стратегиялык жеңилүү алып келүү мүмкүн деп дагы эле иллюзия кылып жаткан адамдарды бүгүн атайын аскердик операция жүргүзүлүп жаткан аймакта болгон окуялар жөнүндө маалымдагым келет. Бул окуялар батыш өндүрүшүндөгү алыска атуучу куралдар биздин аймакка колдонулгандан кийин болуп жатат.
АКШ жана алардын НАТО боюнча союздаштары Украинадагы Батыш тарабынан козголгон жаңжалдын курчушун улантып, өздөрүнүн алыска атуучу так куралдарын Россия Федерациясынын аймагына колдонууга уруксат беришерин буга чейин билдиришкен. Эксперттерге жакшы белгилүү болгондой, ошондой эле Россия тарап буга чейин бир нече жолу баса белгилегендей, мындай куралды ал өндүрүлгөн өлкөлөрдүн аскердик адистеринин түздөн-түз катышуусуз колдонуу мүмкүн эмес.
19-ноябрда АКШда чыгарылган алты ATACMS оперативдүү-тактикалык ракетасы жана 21-ноябрда Улуу Британиянын Storm Shadow системасы жана АКШнын HIMARS системалары менен айкалыштырылган ракеталык чабуул учурунда Россия Федерациясынын аймагындагы аскердик объектилерге – Брянск жана Курск облустарына сокку урулду. Биз буга чейин бир нече жолу белгилеп келгендей, ушул учурдан тартып Батыш тарабынан козголгон Украинадагы регионалдык жаңжал глобалдык мүнөзгө ээ болду. Биздин абадан коргонуу системалары бул чабуулдарды тосуп алышты. Натыйжада, каршы тарап койгон максаттарга жетишкен жок.
Брянск облусундагы ок-дары сакталган кампада ATACMS ракетасынын сыныктары түшкөндөн кийин пайда болгон өрт өчүрүлдү. Каза болгондор жана олуттуу кыйроолор жок.
Каршы тарап мындай куралдарды колдонгонунун өзү атайын аскердик операция жүргүзүлүп жаткан аймактагы согуш аракеттеринин жүрүшүнө таасир эте албасын дагы бир жолу өзгөчө белгилеп кетким келет. Биздин аскерлер фронттук чектешүү сызыгы боюнча ийгиликтүү алдыга жылып жатышат. Биз койгон бардык максаттар сөзсүз түрдө аткарылат»,-деди Путин.
72 миң кыргызстандык Орусиянын аймагында мыйзамсыз жүрөт
Орусиянын компетенттүү органдарынын маалыматы боюнча, ушул жылдын октябрь айына карата Кыргызстандын 71 миң 949 жараны өлкө аймагында миграциялык мыйзамдарды бузуу менен («тобокелдик зонада») жүрөт. Бул тууралуу Кыргызстандын Тышкы иштер министрлигинен билдиришти. Маалыматка ылайык, жарандардын бул категориясына Орусиянын Ички иштер министрлигинин маалымат базасында алардын эмгектик же жарандык-укуктук келишим түзгөндүгү, манжа изин […]
