18-июлда президент Садыр Жапаров Сауд Аравиянын Королу Салман бин Абдулазиз Аль Сауддун чакыруусу менен өлкөгө иш сапары менен келди.
Мамлекет башчыны Жидда шаарынын эл аралык аэропортунда Меккенин губернатору Халид бин Фейсал Аль Сауд тосуп алды.
Сапардын алкагында мамлекет башчы “Борбор Азия – Перс булуңундагы араб мамлекеттеринин кызматташтык кеңеши” аттуу мамлекет башчыларынын биринчи Саммитине катышат. Өлкө башчылары саясий, соода-экономикалык жана маданий-гуманитардык тармактарда аймактар аралык кызматташтыкты өнүктүрүүнү талкуулашат.
Сапардын алкагында президент Садыр Жапаров Перс булуңундагы араб мамлекеттеринин башчылары менен жолугушат.
