Президент Садыр Жапаров «Салык кодексине өзгөртүүлөрдү киргизүү жөнүндө» мыйзамга кол койду. Документ салыктык башкаруу жол-жоболорун жөнөкөйлөтүү максатында иштелип чыккан.
Электрондук документ түрүндөгү эсеп-фактуранын ордуна эсеп-фактураны алмаштыруучу документ киргизилди. Ошондой эле «айыл чарба даярдоочу» деген түшүнүк киргизилет жана алардын салык ставкасы белгиленген.
Патент менен иштөө системасы 2024-жылдын 1-июлуна чейин жылдырылды.
Былтыр 5-декабрда президент Садыр Жапаров «Дордой» базарында нааразылыкка чыккан соодагерлер менен жолугушуп, базарларда патент менен иштөө системасын 2024-жылдын 1-июлуна чейин калтырууну тапшырган.
