1-декабрда Казакстандын тунгуч президенти Нурсултан Назарбаевдин «Менин жашоом. Көз карандылыктан эркиндикке» аталышындагы китеби жарыкка чыкты.
Китепте экс-президенттин жашоосунун саясий да, жеке жактары да чагылдырылган. Назарбаев өзүнүн эскерүүсүндө экинчи аялы жана эки уулу бар экенин моюнга алган.
2012-жылдан бери 1-декабрь Казакстанда майрам же Биринчи Президенттин күнү катары белгиленип келет. Буга чейин бул күнү мамлекеттик майрам статусуна ээ болуп, эс алышкан. Өткөн жылы президент Касым-Жомарт Токаев мыйзамдык түзөтүүгө кол койгон, ага ылайык бул дата статусун өзгөрткөн. 1-декабрдагы эс алуу күнү жокко чыгарылган.
