Казакстандын президенти Касым-Жомарт Токаев Нооруз майрамында Астанадагы иттердин көргөзмөсүнө барды. Көргөзмөнүн жүрүшүндө таза кандуу иттерди багуучу Анна Захарова президентке Наурыз аттуу күчүк белек кылды.
Улуттук аңчылык клубу Nomad коомдук фондунун төрагасы Болат Кунанбаев мамлекет башчысына иттердин улуттук жана сейрек кездешүүчү породаларын калыбына келтирүү жана көбөйтүү иштери тууралуу айтып берди.
Токаев Тазы тегиндеги иттерди эл аралык деңгээлде таанытуу маанилүү экенин белгиледи.
“Бул казактарда жети байлыктын бири катары эсептелген. Тазы жана төбет породаларын эл аралык аренада таанытуубуз керек. Бул ишке Тышкы иштер министрлиги да тартылышы керек. Бул өзгөчө кылдаттык менен көңүл бурууну талап кылат жана бул маселеде кесипкөй мамиле маанилүү. Бул үчүн атайын мыйзам кабыл алганбыз”,-деди президент.
Өзгөндө жер көчтү түштү
Кечээ Ош облусунун Өзгөн районунун Жалпак-Таш айыл өкмөтүнө караштуу К.Маркс айылынын Кызыл-Күңгөй тилкесинде жер кыртышы активдешип, болжол менен 1млн м3 жер көчкү түшкөн. Бул тууралуу ӨКМден кабарлашты. Маалыматка ылайык, жер көчкү аталган тилкедеги 18 турак үйгө коркунуч жаратып, үйлөргө 300 м аралык калган. «Жер көчкү 2017-жылдын жаз айларында активдешип баштаган. […]
