Беларуссиянын президенти Александр Лукашенко Гомелдеги артиллериялык курал базасына барып, анын иши менен таанышты.
Сапардын соңунда мамлекет башчысына көп жолу колдонулуучу РПГ-7 үлгүсүндөгү танкка каршы гранатомет белекке берилди.
Бул гранатомет 1961-жылдан бери чыгарылып келе жатат жана танктар, өзү жүрүүчү артиллерия менен күрөшүү үчүн иштелип чыккан.
Беларусь лидери бир күндө дагы эки белек алды. «Кристалл» өндүрүштүк бирикмесине барганда ага алтын жалатылган күмүш жана бриллиант менен жасалган Беларустун картасы тартууланды. Картада ар кандай өлчөмдөгү асыл таштар өлкөнүн борбору Минскти жана ири шаарларды көрсөтүп турат.
