АКШнын Коргоо министрлиги алдыдагы күндөрү түштүк чек арада коопсуздукту камсыздоого жардам берүү үчүн 1,5 миң аскер жибере турганын маалымдады. Бул АКШ президенти Дональд Трамптын мыйзамсыз миграция менен күрөшүү боюнча буйруктарында камтылган пландын бир бөлүгү.
АКШнын коргоо министринин милдетин аткаруучу Роберт Салесестин айтымында Мексика менен чек арадагы аскерлердин саны өзгөрүшү мүмкүн. Аскерлер чек арага тосмолорду курууга жардам беришет. Андан тышкары, министрлик 5 миңден ашуун кармалган мигрантты депортациялоо үчүн учактарды камсыздайт.
АКШ менен Мексиканын чек арасынын узундугу болжол менен 3,2 миң чакырымды түзөт. Азыркы учурда ал жерде АКШнын Улуттук гвардиясынан 2,5 миң аскер кызмат өтөп жатат. 21-январдан тартып АКШнын түштүк чек арасына Дональд Трамп мыйзамсыз миграцияны токтотуу максатында киргизген өзгөчө абал режими күчүнө кирген.
Садыр Жапаров өлкөдөгү адам укугу, Көлбаевдин өлүмү жана ири долбоорлордун ишке ашырылышы тууралуу комментарий берди
Укук коргоочунун чет өлкөгө чыгып кетүүсү, кылмыш чөйрөсүнүн лидерлеринин бири Камчы Көлбаевдин өлүмү жана “Үч чоку” лыжа базасын куруу сыяктуу коомчулукта талкуу жараткан маселелер боюнча өлкө башчысы Садыр Жапаров “Кабар” агенттигине кенен маек курган. Маекти толугу менен беребиз: – Салтка айланып калгандай, коомчулуктагы актуалдуу болуп жаткан суроолорубузга жооп алсак. Жакында […]
