Жогорку Кеңештин депутаттары бүгүн, 5-декабрдагы жыйынында Равшанбек Сабировду эмгек, социалдык камсыздоо жана миграция министри кызматына дайындоо боюнча президенттин сунушун колдоду.
Эске салсак, 4-декабрда өлкө башчынын Жарлыгы менен Сабиров министрдин милдетин аткаруучу болуп дайындалган.
Равшанбек Сабиров 2021-жылдын ноябрь айында өткөн парламенттик шайлоодо «Ата Журт-Кыргызстан» саясий партиясынан VII чакырылышка депутат болгон.
Ага чейин 2021-жылдын февраль айынан 10-октябрына чейин президенттин кеңешчиси болуп эмгектенген.
2020-жылы октябрь айынан 2021-жылдын февраль айына чейин вице-премьер-министр, 2011-жылы декабрь айынан 2012-жылдын сентябрь айына чейин Социалдык өнүгүү министри кызматын аркалаган.
Камчыбек Ташиев коррупционерлерге жазаны күчөткөн мыйзам долбоорун сунуштады
Улуттук коопсуздук мамлекеттик комитеттин төрагасы Камчыбек Ташиев коррупция кылган мамлекеттик кызматкерлерге карата жазаны күчөтүү үчүн Кылмыш-жаза кодексине өзгөртүү сунушталып жатканын айтты. Аталган өзгөртүүлөр тууралуу Ташиев бүгүн, 5-декабрдагы ЖКнын жыйынында маалымат берип жатат. Анын айтымында, учурда жекморлукка каршы аёсуз күрөш жүрүп жатат, бирок ага карабастан жемкорлуктун деңгээли жогору бойдон калууда, айрым […]
