Эл аралык Олимпиада комитетинин орусиялык спортчулардын Париждеги Олимпиада оюндарына катышуусуна уруксат берүү чечими Украинада катуу реакция жаратты. Киев өкүлдөрү Олимпиадага бойкот жарыялоо мүмкүндүгүн айта башташты.
Олимпиада комитети орусиялык спортчуларга оюндарга бир катар чектөөлөр менен бейтарап статуста гана катышууга уруксат берген. Бирок бул чечим да украин тарапка туура келген жок.
Украинанын жаштар жана спорт министринин милдетин аткаруучу Матвей Бедный Украина оюндарга катышуудан баш тартышы мүмкүн экенин билдирди. “Албетте, биз Парижге барып, өз позициябызды илгерилетишибиз керек. Бирок орусиялык спортчуларга карата саясат конструктивдүү эмес экенин көрсөк, анда биздин Олимпиадага катышуубуз мүмкүн болбой калат”, – деп айткан Бедный.
