Орусиядан келген ыктыярчылар Макронго кат жазышып, Олимпиадага катышууга уруксат берүүнү суранышты. Бул тууралуу чет элдик басылмалар жазышууда.
Апрель айынын аягында француз бийликтери ыктыярчы катары Парижге барууну каалаган орусиялыктардын Олимпиада оюндарына аккредитациядан өтүү өтүнүчтөрүн четке каккан. Алар Франциянын ички иштер министрине Олимпиадада иштөөгө тыюу салууну алып салууну суранып кат жазышкан, бирок алардын кайрылуусу дагы эле жоопсуз калууда .
«Биз Франциянын президенти Макронго да жамааттык кат жөнөттүк, каттын тексти бул өлкөнүн ички иштер министрине мурда жазганыбыз да туура келет. Бирок Франциянын башчысы бизге жооп бере элек», – деди Парижде жашаган орусиялык ыктыярчылар.
Каттын текстинде Орусиядан келген ыктыярчылар буга чейин кирүү визаларын алып, Францияга билеттерди сатып алышканы белгиленген. Алар Олимпиада жана Паралимпиада оюндарында ыктыягчы болуп иштөөгө даяр болчу, бирок коопсуздукка байланыштуу аккредитациядан баш тартышкан. Волонтерлор өз катында Франциянын бардык мыйзамдарын, Евробиримдиктин мыйзамдарын, Олимпиада хартиясын жана Олимпиадалык жана Паралимпиадалык ыктыярчылардын Хартиясын так аткарууга милдеттенишкенин белгилешти. Алар эч качан мыйзам бузбаганын жана эч качан жоопко тартылбаганын белгилешти.
Эске салсак, Олимпиада оюндары Парижде 25-июлдан 11-августка чейин өтөт.
Автомобиль жолдору башкармалыгына жаңы жетекчи дайындалды
Бектурсун Дыканбаев Транспорт жана коммуникациялар министрлигинин Автомобиль жолдору башкармалыгынын башчысы болуп дайындалды. Тиешелүү буйрукка транспорт министри Тилек Текебаев кол койду. Белгилей кетсек, Бектурсун Дыканбаев буга чейин министрликке караштуу жол чарба департаментинин иштерди пландаштыруу, даярдоо жана кабыл алуу бөлүмүн жетектеген. Жаңы дайындалган башкармалыктын башчысын жалпы жамаатка Тилек Текебаев тааныштырып, ага ийгиликтерди […]
