Газа тилкеси Палестина мамлекетинин көзөмөлүнө өтүшү мүмкүн. Бул тууралуу Палестинанын президенти Махмуд Аббас билдирди.
Ал кошумчалагандай, бул Батыш Шериадагы жана Чыгыш Иерусалимдеги абалды жөнгө салышы керек болгон комплекстүү саясий чечимдин алкагында гана мүмкүн.
Газа тилкесинин Палестинанын ажырагыс бир бөлүгү экенин баса белгилеген Аббас «Чыгыш Иерусалим жана Газа тилкеси менен бирге бүт Батыш Шерианы камтыган кеңири саясий чечимдин алкагында жоопкерчиликтерибизди толук аткарабыз»,-деди.
Махмуд Аббас аны менен сүйлөшүү үчүн Иорданиянын Батыш жээгине барган АКШнын мамлекеттик катчысы Антони Блинкен менен жолугушту. Тараптар Газа тилкесинин келечегин талкуулашты.
