Палестина-Израиль чатагыны 7-октябрда башталгандан бери кеминде 20 миң адам каза болду. Бул тууралуу чет элдик маалымат булактары жазууда.
Аль-Жазиранын маалыматы боюнча, бул 20 миң каза болгондордун арасында 8 миңи балдар жана 6,2 миңи аялдар болгон. 6,7 миңдей адам дайынсыз жоголгондордун тизмесинде айтылат.
“Өлтүрүлгөндөрдүн кеминде үчтөн бири ХАМАСтын согушкерлери. Курман болгондордун арасында палестиналыктардын ийгиликсиз ракеталык чабуулдарынан каза болгондор да бар”, – деп билдирди Израилдин армиясы.
Буга чейин 7-октябрда Палестинанын Хамас кыймылынын аскердик канаты жарыялаган Аль-Акса Топон операциясынын алкагында “Израил – Газа” тилкесинен болуп көрбөгөндөй масштабдуу ракеталык чабуулга кабылганы маалымдалган. Андан кийин уюмдун согушкерлери Израилдин түштүгүндөгү чек ара аймактарына кирип, алар аскер кызматкерлерине да, жарандарга да ок чыгарып, 200дөн ашуун адамды барымтага алышкан. Израилде бийликтердин акыркы маалыматтарына караганда, 1,2 миңге жакын адам набыт болду, бул санга карапайым калк, аскерлер, чет элдик жарандар жана жумушчулар кирет, ошондой эле 5 миңден ашууну жарадар болгону кабарланды.
Буга жооп катары Израилдин коргонуу күчтөрү Газа тилкесинде Хамаска каршы «Темир кылычтар» операциясын баштады. Бир нече күндүн ичинде Израил армиясы Газа менен чек арага жакын жайгашкан бардык калктуу аймактарды көзөмөлгө алып, тилкедеги буталарга, анын ичинде жайкын тургундарга абадан сокку ура баштады. Израил дагы Газа тилкесин толук блокадага алганын жарыялады: суу, тамак-аш, электр энергиясы, дары-дармек жана күйүүчү май менен камсыздоо токтотулду.
