Пакистандын Мингора шаарынын жанында элчилердин тобун коштоп жүргөн полициянын унаасы жарылды. Окуяда бир полиция кызматкери каза болуп, экөө жаракат алды. Дипломаттар жабыркаган жок. Полициянын маалыматына караганда жарылууга колго жасалган мина себеп болушу мүмкүн.
«Мындай аракеттер Пакистандын терроризмге каршы күрөшүүгө берилгендигин өзгөртө албайт»,-деп айтылат Пакистандын Тышкы иштер министрлигинин билдирүүсүндө.
Пакистандын президенти Асиф Али Зардари кол салууну айыптады.
Полиция кызматкерлери коштоп бара жаткан топто Индонезия, Португалия, Казакстан, Босния жана Герцеговина, Зимбабве, Руанда, Түркмөнстан, Вьетнам, Иран, Россия жана Тажикстандын делегациялары болгон.
Кыргызстандын бокс боюнча курамасы Кытайда эл аралык мелдешке катышат
Кыргызстандын бокс боюнча улуттук курама командасынын мүчөлөрү Кытайдын Үрүмчү шаарында өтө турган эл аралык мелдешке катышат. Бул тууралуу Дене тарбия жана спорт департаментинен билдиришти. Маалыматка ылайык, мелдештер 25-сентябрда башталып 10-октябрда жыйынтыкталат. Курама команданын тизмеси: 48 кг Анвар Ходжиев; 57 кг Санжай Сейдакматов, Ислам Төрөбеков; 63.5 кг Мирзохид Имамназаров, Алмаз Орозбеков; […]
