Президент Садыр Жапаров кол койгон жарлыкка ылайык, КР Конституциясынын 71-беренеси жетекчиликке алынып, Жетигенов Бакытбек Жеңишбекович мурда ээлеген кызмат ордунан бошотулуп, Президенттин Ысык-Көл облусундагы ыйгарым укуктуу өкүлү болуп дайындалды.
Б.Жетигенов 2022-жылдын 29-ноябрынан бери Ош шаарынын мэри болуп эмгектенип жаткан.
Башка жарлык менен президенттин Ысык-Көл облусундагы ыйгарым укуктуу өкүлү кызматынан Уланбек Далиев бошотулду. Ага Далиев башка ишке өткөнү негиз болгон.
