Ош облусундагы “Төлөйкөн” ат майданында Эгемендүүлүктүн 32 жылдыгына жана көрүнүктүү мамлекеттик ишмер Насирдин Исановдун 80 жылдыгына карата көк бөру боюнча КР президентинин кубогу уланууда. Бул тууралуу Дене тарбия жана спорт департаментинен билдиришти.
Маалыматка ылайык, турнирге 6 команда катышууда, ал эми кечээ жалпы 3 оюн өттү.
Алгач экинчи лиганын “Ош шаары” жана “Биримдик” командалары ойноп, 7:5 эсебинде Ош шаарынын командасы жеңишке жетти.
Ал эми кийинки беттештер жогорку лиганын командалары арасында өтүп, “Достук” командасы 13:4 эсебинде “Жаштык” командасын жеңди.
Акыркы оюнда “Ынтымак” менен “Мурас командасы беттешип, 6:1 эсебинде “Ынтымак” командасы утту.
Белгилей кетсек, бүгүн, 30-августта “Кара-Суу” “Ош шаары” комндасы менен, 40 жаштар арасында “Биримдик” командасы “Сары-Өзөн” менен, “Жаштык” жана “Мурас” командалары 3-орун үчүн беттеш өткөрөт.
