Ош шаарында Дүйнөлүк эпостордун эл аралык VII фестивалы өтөт. Бул тууралуу Ош шаардык мэриясынан билдиришти.
Маалыматка ылайык, фестивалга 30га жакын өлкөнүн көрүнүктүү өкүлдөрү катышары күтүлүүдө. Иш-чара 17-21-май күндөрү өтүп, анын алкагында “Мыкты семетейчи”, “Мыкты дастанчы”, “Мыкты Кыргыз боз үйү”, “Саркеч көчмөн” жана “Кадырлуу каада салт” сынактары уюштурулат.
Маданий долбоор бул жылы Кыргыз элинин улуу жазуучусу Чыңгыз Айтматовдун 95 жылдыгына жана Казак элининин улуу жазуучусу Муктар Ауэзовдун 125 жылдыгына арналат.
