Миңдеген окуучуга үмүт жана мүмкүнчүлүк түзүп берген, мектептерди жаңылыктын жарчысына айландырган, миңдеген ата – эненин сыймыгына ээ болгон мыкты мугалим, агартуучу «Сапат» билим берүү мекемесинин мурдагы президенти Орхан Инанды бардык агартуучуларды мугалимдер күнү менен куттуктады.
Ардактуу мугалимдер менин агартуучуларым!
Сиздерди кесиптик майрамыңыздар менен чын дилимден куттуктайм!
Мугалим сокурга – көз, дүлөйгө кулак, караңгыга – чырак, жан дүйнөгө – азык берет. Мугалим чыныгы агартуучу, мугалим гана коомду аппак кылып тазалоочу бирден бир күч!
Балдардын жан-дилине илим-билим үрөөнүн сээп, рухий байлыкка байытып, жаркын максаттарга үндөгөн сиздерге таазим кылам. Эмгегиңиздердин канчалык кыйын экенин, түйшүктүн түмөндүүлүгүн билем.
Келечек муундарыбызга сапаттуу билим берүүдөн талбаңыздар! Баарыңыздарга чың ден соолук, узак өмүр жана бакубат турмуш каалайм!
