Орус окумуштуулары онкологияга каршы вакцина жасоого жакындап калышканын Россия Федерациясынын президенти Владимир Путин “Келечек технологиялар” форумунда билдирди.
Орус лидери илимпоздор рак оорусуна каршы вакциналарды, ошондой эле иммунитет боюнча дарылардын акыркы муунун жасоого жакын экенин билдирди. Ал мындай дары-дармектер жакында жекече терапиянын методу катары натыйжалуу колдонулаарына ишенимин билдирди. Владимир Путиндин айтымында, 2023-жылы өлкөдө 530 ата мекендик дары катталган.
Бел боо күрөшү боюнча өлкө чемпионаты өтөт
Бишкекте бел боо күрөшү боюнча Кыргызстандын чемпионаты өтөт. Бул тууралуу Дене тарбия жана спорт департаменти билдирди. Маалыматка ылайык, биринчилик 21-22-февраль күндөрү Каба уулу Кожомкул атындагы спорт ордосунда болуп, ага республиканын бардык аймактарынан келген спортчулар катышат. Жеңүүчүлөргө тиешелүү даражадагы диплом жана медалдар тапшырылат. Катышуучулар төмөнкү салмакта катышат: кыз-келиндер арасында эркин стиль […]
