Азия оюндарында орусиялык жана беларусиялык спортчуларга катышууга тыюу салынды. Мындай чечимди Эл аралык Олимпиада комитети кабыл алгандыгын чет элдик спорт басылмалары жазууда.
“Орусиялык же беларусиялык спортчулар жок. Бул Эл аралык Олимпиада комитетинин чечими”, – деп жазат Азиянын Олимпиадалык кеңешинин өкүлү.
Буга чейин Азия Олимпиадалык кеңеши Орусия менен Беларустун өкүлдөрүн Азия оюндарына катышууга чакырган. Мелдеш Кытайдын Ханчжоу шаарында 23-сентябрдан 8-октябрга чейин өтөт.
Кийинчерээк Орусиянын Олимпиада комитетинин башчысы Станислав Поздняков орусиялыктар Азия оюндарына катышууга расмий чакыруу ала электигин билдирген.
