Орусияда 1 жыл ичинде каза болгон мигранттар 585 адам. Алар көбүнчө жумуш учурунда каза болушат. Мындай маалыматты социалдык жактан коргоо министринин орун басары Нурдөөлөт Базарбаев билдирди.
“Биз изилдеп көрдүк. Негизинен, кыш айларындагы кара жумуштан кырсыктап, каза болушат экен. Ооруп, көз жумгандар азыраак. Аларды мекенге алып келүү боюнча каражаттары ошол өлкөлөрдүн консулдуктарына жа элчиликтерине которулат”,- деди министрдин орун басары. Депутат Надира Нарматова “согушта 1 жыл ичинде мынчалык өлүм болбойт. Себебин аныктап, мындан ары мындай кырсык болбогондун аргасын жасагыла”,- деп тапшырма берди.
