Орусиянын түрмөлөрүндө 1064 кыргызстандык жаран жатат. Тергөө иштери уланып жаткандарын кошкондо 2000ден ашат. Мындай маалыматты депутат Жанар Акаев башкы прокуратурага таянып билдирди. Учурда “Вагнер” сыяктуу уюмдар аларды азгырып, Украинадагы согушка үндөп жатышканын, Жогорку Кеңешке 200дөй ата-эне келгенин, бирок, министрлер кабинети тараптан эч ким жолукпай жатканын айтты. Жанар Акаев президенттин Орусияга болгон иш сапарынын өзөгүн ушул маселе түзүүсү керек деп эсептейт. “Алардын айрымдарын экстрадициялоо учурунда ЖАМКнын 4-5 кызматкери кошо барып, жада калса, чыгымын да ата-энелер төлөп жатышат. Министрлер кабинети ушул маселени да жөнгө салышы керек”,- деди депутат.
Ленин округу боюнча депутаттыкка талапкерлердин саны 39га жетти
№26 Ленин бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоого катыша турган талапкерлердин саны 39га жетти. Бул тууралуу Борбордук шайлоо комиссиясынан билдиришти. Маалыматка ылайык, 27-апрелге карата БШКга арыз менен 39 талапкер кайрылган. Алар: Булекбаев Эркин Касымович; Кунакунов Максат Касымжанович; Арзыкулов Марат Замирбекович; Нурланбеков Актилек Нурланбекович; […]
