Бүгүн, 8-октябрда журналист, жазуучу, публицист Олжобай Шакирдин соту Жогорку сотто каралып, 3 жылдык пробация менен абактан бошотулду.
Эске салсак, Олжобай Шакирди беш жылга абакка кесүү боюнча Аламүдүн райондук сотунун жана аны күчүндө калтырган Чүй облустук сотунун чечимине каршы 5-августта Жогорку сотко апелляциялык арыз берилген.
14-майда Чүй облусунун Аламүдүн райондук соту Олжобай Шакирди беш жылга эркинен ажыраткан. Чүй облустук соту 15-июлда өкүмдү күчүндө калтырган.
Олжобай Шакирге Кылмыш-жаза кодексинин 278-беренеси (Массалык башаламандыктар) менен иш козголуп, 2023-жылдын 23-августунда кармалган.
