Бүгүн, 28-июнда ӨКМ шашылыш билдирүү таратты.
Маалыматка ылайык, күндүн экинчи жарымында жана 29-июндан 2-июлга чейин туруксуз аба-ырайына жана күтүлүп жаткан нөшөрлүү жаан-чачынга байланыштуу, республиканын тоолуу жана тоо этектериндеги райондорунда сел жүрүшү мүмкүн, дарыяларда суунун деңгээли көтөрүлүшү күтүлөт.
Сел коопсуздук эрежелерин сактаңыз!
— арыктарды тазалап, жээгин бекемдеңиз жана таштанды таштабаңыз;
— турак үй жайгашкан жерде жаан суулары — агып өтүүгө ылайыкталган арыктын болушун камсыздаңыз;
— Үй же сарай салууда, эгин айдоодо сел жүрүү кооптуулугу бар тилкелерге жакын эместигине өзгөчө көңүл буруңуз;
— сел учурунда дароо коопсуз жайга кетиңиз;
— мүмкүнчүлүк болсо үйдөгү свет, суу, газды өчүрүп чыгыңыз.
Бишкек жана Чүйдө катуу шамал болушу күтүлөт
Жакынкы бир саат аралыгында жана кечинде Бишкек шаарында жана Чүй өрөөнүндө катуу шамал болушу күтүлөт. Өзгөчө кырдаалдар министрлигинен билдиришкендей, күн күркүрөп, батыштан соккон шамалдын ылдамдыгы секундасына 15-20 метрге жетет. Катуу шамал учурунда: — Унаанызды имарат жана бак-дарактын түбүнө токтотпоңуз; — Электр чубалгылары турган жерге барбаңыз; — Көз айнек кийиңиз. Кырсык […]
