Быйылкы жыл ичинде Архитектура, курулуш жана турак жай-коммуналдык чарба мамлекеттик агенттиги тарабынан 230 объекттин курулушу жана оңдоо иштери бүткөрүлгөн. Бул тууралуу башкармалыктын башчысы Нурдан Орунтаев маалымат жыйынында билдирди.
Анын айтымында, 2024-жылга бекитилген социалдык-маданий объектилердин тизмесине ылайык, аймактардын инфраструктурасын өнүктүрүүгө 25,4 миллиард сом бөлүнгөн, анын 11,6 миллиарды учурдагы каржылоого бөлүнгөн.
Жыл ичинде 230 объектинин курулушу жана оңдоп-түзөө иштери аяктады, анын ичинде:
100 мектеп,
45 бала бакча,
16 саламаттыкты сактоо мекемелери,
9 маданий жай,
16 спорт комплекси,
12 турак-жай,
22 суу менен камсыздоо объектилери,
10 башка объект.
Айрыкча социалдык объектилердин типтүү долбоорлору бекитилип: 150, 225, 275, 500 орундуу мектептердин, 70, 140, 280 орундуу бала бакчалардын жана спорт комплекстеринин долбоорлору иштелип чыкты.
Казакстанда кулаган учакта Кыргызстандын үч жараны болгондугу айтылды
Казакстандын Актау шаарында Азербайжан аба жолдоруна таандык учак кулап, ичинде кыргызстандык үч жараны болгон. Бул тууралуу «Казинформ» агенттиги билдирди. Маалыматка ылайык, J2-8243 номерлүү Баку-Грозный каттамын аткарып бара жаткан Embraer 190 үлгүсүндөгү учак Актау шаарынан 3 чакырым алыстыкта авариялык конууга мажбур болгон. Учакта Азербайжандын 37, Казакстандын 6, Кыргызстандын 3 жана Россиянын16 […]
