Француздардын “Пари Сен-Жермен” клубунун футболчусу Неймар жана анын сүйүктүүсү Бруна Бианкарди наристе күтүп жатканын жарыялашты. Бразилиялык чабуулчунун буга чейин мурунку мамилесинен бир уулу бар.
“Биз сенин жашооңду кыялданып, келүүңдү пландап жатабыз. Биздин күндөрүбүздү алда канча бактылуу кылаарыңды билебиз”, – деп жазды Неймардын сүйүктүүсү социалдык тармактарга.
Неймар “Сантос” клубунун тарбиялануучусу, ал жерден 2013-жылы Барселонага өткөн. 2017-жылы “Пари Сен-Жермен” клубу бразилиялык чабуулчу үчүн “Барселонага” рекорддук 222 миллион евро төлөгөн.
