Түштүк Кореянын мурдагы коргоо министри Ким Ён Хён Сеулдун чыгышындагы тергөө абагында өз жанын кыюуга аракет кылды. Бул тууралуу Рёнхап агенттиги жазды.
“Болжол менен саат 23:52де күзөтчү кызматкер аны ордер берилерден мурда күтүп туруучу жайдын дааратканасында өз жанын кыюуга аракет кылып жатканын байкап калган”,-деп билдирди Түштүк Кореянын юстиция министрлигинин өкүлү парламенттеги мыйзам чыгаруу жана сот комитетинин жалпы жыйынында.
Түштүк Корея соту мурдагы коргоо министри Ким Ён Хёнду камакка алуу чечимин чыгарган. Ал өлкө президенти Юн Сок Ёльдин аскердик абал киргизүү чечимин ишке ашырууда негизги ролду ойногонго шектелүүдө.
Башар Асад: "Сирияны Израилге беришти"
“Мен Сириядан согуш болбосун деп кеттим. Айрым дүйнөлүк лидерлерде жок бирок, менде бар намысыма таянараак ушундай чечимге келдим. Биздин Израилди жеңе турган күчүбүз да, аскерибиз да жок. Менин тагдырымды Саддам Хусейндикиндей болот дешүүдө. Өмүр соңум кандай болоорун билбейм, бирок, Сирия Израил болду”,- деген ал кыскача пикирин билдирип. Ошондой эле болгон […]
