Кыргызстандын футбол боюнча 2023-жылдагы Кубогун Жалал-Абаддын “Мурас Юнайтед” футболдук клубу утту.
Финалдык беттеш кечээ Бишкектеги Дөлөн Өмүрзаков атындагы стадиондо өттү. Башкы байге үчүн беттеште Премьер-лиганын дебютанты “Мурас Юнайтед” өлкөнүн учурдагы чемпиону канттык “Абдыш-Ата” клубун 2:1 эсебинде артта калтырды. Бул жеңиш “Мурас Юнайтед” клубуна 2024-жылы Кыргызстандын Супер кубогу үчүн беттеште ойноого, ошондой эле АФК Кубогунун 2024-жылкы сезонуна тандоо оюндарына катышууга мүмкүнчүлүк берет.
Белгилей кетсек, Кыргызстандын Кубогу 32-жолу ойнотулду.
