Москвада быйыл Жаңы жылда фейерверк атылбайт. Бул тууралуу шаар башчысы Сергей Собянин билдирди.
“2023-жылдын башында жаңы жылдык майрамдар боюнча добуш берүү өткөрүлгөн. Жыйынтыгында фейерверктерден жана чоң көчө концерттеринен баш тартуу максатка ылайык деп табылган”,-деп маалымдаган Собянин. Ошондой эле ал жаңы жылдык иш-чараларга жумшалган чыгымдарды үнөмдөө менен ал каражаттар аскер кызматкерлерин жана алардын үй-бүлөлөрүн колдоого, жаңы аймактарды калыбына келтирүүгө багытталарын айткан.
Жаңы жылдык салюттарды бир катар аймактарда жокко чыгаруу чечими кабыл алынды. Алардын катарына чек арага жакын жайгашкан Курск жана Брянск облустары, Удмуртия жана Пермь кирет.
2022 жана 2023-жылдары Москвада Жаңы жылды фейерверксиз тосушкан. Бул жылы Жеңиш күнүнө карата фейерверк уюштурулган. Бирок Шаар күнүндө бул салтанат жокко чыгарылган.
Мамлекеттик салык кызматынын төрагасы УКМКда сурак берип жатат
Салык кызматынын төрагасы Алтынбек Абдувапов УКМКнын борбордук аппаратында сурак берип жатат. Бул тууралуу маалыматты өздүк булактар билдирди. Маалыматка ылайык, УКМК А. Абдуваповду 6-декабрда суракка чакырып, аны менен тергөө амалдарын жүргүзүп жатышат. Эске салсак, кечээ 5-декабрда Салык кызматынын төрагасынын орун басары Исламбек Кыдыргычев кармалса, дагы бир орун басары Бекболот Алиев сурак […]
