Кеңешбай Тайлаков Экономика жана коммерция министрлигине караштуу Монополияга каршы жөнгө салуу кызматынын төрагасы кызматынан кетти. Бул тууралуу ал өзүнүн “Фейсбук” баракчасына жазды.
Маалыматка ылайык, Тайлаков өзүнүн берген арызынын негизинде жумуштан бошотулган.
Тайлаков 2013-жылдын июнь айынан 2021-жылдын апрелине чейин Монополияга каршы жөнгө салуу мамлекеттик агенттигинин директорунун орун басары болгон.
Ал эми 2022-жылдын февралында мекемеге төрага болуп дайындалган.
