Лионель Мессинин америкалык “Интер Майами” футболдук клубуна өткөнү тууралуу билдирүү АКШда чуу жаратты. Бул билеттердин баасынын кескин көтөрүлүшүнө алып келди.
Буга абройлуу “The Athletic” басылмасынын маалыматына караганда, Мессинин жаңы клубуна өткөнү жарыяланганга чейин эң арзан билетти 27 евро болчу. Аргентиналык футболчунун кол коюу тууралуу кабардан кийин баасы 435 еврого чейин чапчыган.
Башкача айтканда, билеттер дароо 16,1 эсе кымбаттады.
Эске салсак, Месси “Интер Майами” клубуна өткөнүн бейшемби күнү жарыялаган. Ал Барселона жана Сауд Аравиянын клубдарына караганда америкалык клубду артык көргөн. Келишим расмий түрдө жарыялана элек.
