Кыргызстандын мектептеринин 67-70 пайызы компьютер менен камсыз болгон. Бирок, дагы 24.440 компьютер керек. Мындай маалыматты билим берүү министринин милдетин аткарган Догдургүл Кендирбаева Жогорку Кеңештин Социалдык саясат боюнча комитеттин жыйынында билдирди.
“Кыргыз Телеком ААК менен түзүлгөн келишимге ылайык 2062 мектептен 1834 мектеп интернет менен камсыз болгон. Ал эми 228 мектеп интернетке туташууну күтүп турат”,- деди. Депутаттар мугалимдердин статусун көтөрүүнү колго алууну тапшырышты.
