Ажылык жана умра министрлиги расмий Twitter баракчасына зыяратчыларга сунуштарды жарыялады. Бир катары ажылыктын каржы жагына байланыштуу. Өлкө бийлиги умрага барган зыяратчылардан алтын куймаларды, асыл таштарды жана жалпысынан баалуу металлдарды алып келбөөнү жана 16 миң АКШ долларынан ашпаган накталай акча алып жүрүүнү суранат.
“Алланын коноктору Сауд Аравияга тиешелүү өлчөмдөгү акча менен келсе бул алардын жакшы финансылык жоопкерчилигинен кабар берет”,-деп айтылат Ажылык жана умра министрлигинин билдирүүсүндө. Ошондой эле, өлкө бийлиги элди расмий сайттардан банктык тиркемелерди жүктөп алууга, валюта алмаштырууда толук лицензиясы бар гана каржы институттарынын кызматынан пайдаланууга чакырды.
Сунуштар ыйык Рамазан айында Сауд Аравиясына дүйнөнүн төрт бурчунан эбегейсиз көп зыяратчылар келгендигине байланыштуу.
Эске салсак, быйыл Рамазан айы 23-мартта башталды.
Президенттин администрациясынын түзүмү кыскарды
Президент Садыр Жапаровдун тапшырмасы менен президенттин администрациясынын түзүмү жана штаттык саны оптималдаштырылды. Бул тууралуу президенттин администрациясынын маалыматтык саясат кызматы билдирет. Бул чечим чечимдерди кабыл алуу процессинин эффективдүүлүгүн, натыйжалуулугун жана оптималдаштыруусун жогорулатуу, ошондой эле республикалык бюджетти натыйжалуу пайдалануу максатында кабыл алынды. Чечимге ылайык, президенттин администрациясынын жалпы штаттык саны 72 штаттык бирдикке […]
