Стокгольмдо медицина жана физиология боюнча Нобель сыйлыгынын лауреаттары жарыяланды. Бул тууралуу бүгүн, 2-октябрда Швециянын борбору Стокгольмда жайгашкан Каролина королдук медицина институту жарыялады
2023-жылдын физиология же медицина боюнча Нобель сыйлыгы Пенсилвания университетинин (АКШ) Дрю Вайсман жана Каталин Карико аттуу профессорлоруна берилди. Алар мРНК вакциналарын коронавируска каршы иштеп чыккан.
Окумуштуулардын эмгеги Moderna жана BioNTech/Pfizer вакциналарын түзүүгө жардам берди.
Сыйлыктын суммасы 11 миллион швед крону, башкача айтканда, болжол менен 1 миллион долларды түзөт.
Медицина жана физиология боюнча сыйлык салттуу түрдө Нобель жумалыгын ачат. 3-октябрда физика боюнча, 4-октябрда химия боюнча, 5-октябрда адабият боюнча, 6-октябрда Ослодо тынчтык сыйлыгынын лауреаттарынын ысымдары аталат.
Швеция банкы 1968-жылы негиздеген экономика боюнча Альфред Нобель сыйлыгынын ээси 9-октябрда белгилүү болот.
