Орусиялык мурдагы теннисчи Мария Шарапова АКШдан мүлккө ээ болду. Атактуу спортчу Монтекитодо (Калифорния) 11,5 миллион долларга кыймылсыз мүлктүн ээси болуп калды.
2020-жылдын февраль айында Шарапова спорттук карьерасын аяктаганын жарыялаган. Он ай өткөндөн кийин ал британиялык ишкер Александр Гилкс менен сүйлөшүп жатканын жарыялап, 2022-жылдын 1-июлунда жубайлар Теодор аттуу уулдуу болушкан.
Белгилей кетсек, Мария Шарапова аялдардын теннис ассоциациясынын (WTA) 39 турниринин жеңүүчүсү, 2005-жылы дүйнөнүн биринчи ракеткасы болгон. Бул жылдар аралыгында спортчу бардык Чоң шлем турнирлерин жеңип алган. 2012-жылы Лондон олимпиадасында күмүш медалга ээ болгон.
