Диего Марадонанын мураскорлору аукционго коюлган 1986-жылдагы дүйнө чемпионатында футболчуга ыйгарылган “Алтын топ” сыйлыгы боюнча сотко кайрылышты.
Дүйнө чемпиондугунун эң мыкты оюнчусуна ыйгарылуучу “Алтын топ” кубогу табышмактуу жагдайларда ондогон жылдар бою жоголуп, жакында эле кайра пайда болду. Ал Парижде 6-июнда аукционго коюлат, деп билдирди өткөн аптада “Aguttes” аукциондук үйү.
Марадона сыйлыкка Аргентинаны 1986-жылы Мексикада өткөн дүйнөлүк чемпионатта беш гол киргизгенден кийин алды. Ошол эле турнирде Марадона “Кудайдын колу” голун киргизип, кийинчерээк футбол тарыхындагы эң атактуу голдордун бири болуп калган.
Марадонанын мураскорлорунун айтымында, учурдагы ээси кубокту сатууга укугу жок. Марадонанын эки кызынын кызыкчылыгын коргогон юрист Жиллес Мориер AP агенттигине Париждин жанындагы Нантер сотунун президентинен «Алтын топту» аукциондон алып салууну суранарын айтты. Ал ошондой эле трофейди уурулук боюнча даттанууну талап кылат.
Версиялардын бирине ылайык, байге покер оюну учурунда утулуп калган же карыздарды төлөө үчүн сатылган. Дагы бирөөнүн айтымында, «Алтын топ» 1989-жылы Марадона «Наполиде» ойногон кезде жергиликтүү бандиттер тарабынан тонолгон Неаполдогу банктардын биринин сейфинде сакталган.
Марадонанын кыздары кубоктун уурдалганын жакында эле билишкенин айтышууда. Адвокаттын айтымында, футболчунун үй-бүлөсү «Алтын топту» аларга таандык деп эсептегендиктен сатууга тыюу салууну каалашат. Аукцион үйү көп жыл мурун кубокту сатып алган адам анын уурдалганын билген эмес деп ырастоодо. Агуттес ошондой эле кубок “уникалдуулугунан улам миллиондогон акчаларды алып келет” деп күтөт.
Марадона 2020-жылы 25-ноябрда 60 жашында каза болгон. ФИФА расмий сайтындагы добуш берүүнүн жыйынтыгына таянып, аргентиналыкты 20-кылымдын мыкты футболчусу деп тааныды.
Путин өкмөттүн жаңы курамын бекитти
Россиянын президенти Владимир Путин өкмөт мүчөлөрүн жана кызматтардын директорлорун дайындоо жөнүндө жарлыкка кол койду. Михаил Мишустин өкмөттү катары менен экинчи жолу жетектейт. Ал биринчи жолу 2020-жылдын январында дайындалган. Путин коопсуздук блогунун министрлерин жана Тышкы иштер министрлигинин башчысын бекитти. Коргоо министри болуп Андрей Белоусов дайындалды. Сергей Лавров Тышкы иштер министри, Константин […]
