Легендарлуу мушкер Майк Тайсон 12-17-ноябрда Ташкентте Бүткүл дүйнөлүк бокс кеңешинин (WBC) жылдык жыйынына катышат. Бул тууралуу Өзбекстандын профессионалдык бокс федерациясынын төрагасы Умид Якубов билдирди.
Профессионалдык бокс дүйнөсүнүн эң атактуу жылдыздары катыша турган бул жыйында легендарлуу Майк Тайсон менен убагында чемпиондук карьерага жетишкен ондогон чемпиондор, тактап айтканда Эвандер Холифилд, Амир Икбал Хан, Константин Цзю сыяктуу белгилүү мушкерлер катышуусу күтүлүүдө.
WBC уюмунун 61-курултайынын алкагында 17-ноябрда Ташкенттеги “Хумо Арена” спорт сарайында бир катар белгилүү булгаары мээлей чеберлеринин катышуусунда бокс боюнча беттештер уюштурулат.
