Аргентиналык футболчу, “Интер Майами” клубунун чабуулчусу Лионель Месси карьерасында сегизинчи жолу “Алтын топту” алуу ыктымалдыгы тууралуу айтып берди.
Учурда көптөгөн эксперттер Мессини бул абройлуу сыйлыкты алуу үчүн абсолюттук фаворит катары таанышууда.
“Бул жакшы сыйлык. Бирок менде баарын жеңүү бактысы болду: Чемпиондор Лигасын, Америка Кубогун, Улуттук лигаларды жана Дүйнө чемпиондугун жеңдим, булар маанилүү наамдар, ал эми жеке байгелер экинчи орунда турат.
Аларды кабыл алуу жагымдуу болгону менен такыр башка нерсе маанилүү», – деп айтты атактуу футболчу.
Месси буга чейин жети Алтын топсыйлыгына татыктуу болду– бул рекорд. Ал эми 20 жылдан бери биринчи жолу талапкерликке кирбеген Криштиану Роналду (5) быйыл сыйлыктан ажырап калуу мүмкүнчүлүгү бар.
Эске салсак, 2023-жылы “Алтын топту” тапшыруу аземи 30-октябрда өтөт. 2022-жылы “Реал Мадридден” Сауд Аравиянын “Аль-Иттихадына” өткөн Карим Бензема карьерасында биринчи жолу “Алтын топту” жеңип алган.
