Англиялык “Ливерпуль” футболдук клубунун башкы машыктыруучусу болуп голландиялык Арне Слот дайындалды. Бул тууралуу команданын маалымат кызматы билдирди.
45 жаштагы Слот менен келишимдин шарттары айтыла элек.
Бул кызматка Слот 2015-жылдан бери команданы жетектеп келген немис адиси Юрген Клопптун ордуна келди. Анын жетекчилиги астында “Ливерпуль” 2019-жылы Чемпиондор Лигасын жеңип, 2020-жылы 30 жылдан бери биринчи жолу Англиянын чемпиону болгон. Команда ошондой эле Лига Кубогун, Англия Кубогун жана Суперкубогун, УЕФАнын Суперкубогун жана Клубдар боюнча Дүйнө чемпиондугун жеңген.
2019 жана 2020-жылдары Клопп Эл аралык футбол федерациясы тарабынан эң мыкты машыктыруучу деп табылган.
23-майга карата аба ырайы
Эртең, 23-майда түнкүсүн Чүй, Талас, Жалал-Абад облустарынын көпчүлүк аймактарында, Ош, Баткен, Ысык-Көл, Нарын облустарынын айрым жерлеринде жаан жаайт. Күндүз Чүй, Талас, Ысык-Көл, Нарын облустарынын көпчүлүк аймактарында, Ош, Жалал-Абад, Баткен облустарынын тоо этектеринде жана тоолуу райондорунда жаан жаайт. Батыштан келген шамалдын ылдамдыгы секундасына 4-9 метр, күндүз Ысык-Көл, Нарын облустарынын айрым жерлеринде […]
